Mizo Elite News hi ṭha i tihzawng a nih chuan min lo Follow dawn nia

Pasal A Neih Ni A Mawi A Tum Leh Lutuk Vangin Model A Thi

Nalh duh leh lutuk na lam ah hian harsatna tawk hi mitam tak sawi tur an lo awm tawh ṭhin a, an la awm mek zel bawk chu a nih hi.

Malaysia model Coco Siew Zhi Shing (kum 23) hi a bialpa nen innei mai tur a ni a, a pasal tur hi ramdang mi niin kum 4 chhung lai an lo inkawp tawh.

A pasal neihna turah hian a lo inbuatsaih nasa hle a, a hun ropui ber ah hian a nalh thei ang bera lan ngei a duh bawk. Hei vang hian weigh lose dan tur a ngaihtuah a, liposuction alo nei.

Internet a liposuction treatment theihna ang chi a zawn kual hnu ah Beauty Salon pakhat a hmu fuh. A bana thau te la chhuak/ siak tur hian RM2,500 (S$820) lai a seng nghe nghe.

A thian pakhat nen salon chu an pan ta a,anaesthesia a injection an neih aṭang darkar chanve hnu ah chuan a nuam sam lo zui ta a, a lungphu te tawp/chawl in damdawiin lam panpui ngaiin a awm. Mahsela a hnu ah harh zui thei tawh lovin a boral ta a ni.

Injection te an neih lai hian Salon neitu pawh a awm lo a, damdawiin a a boral hnu pawn a hmel a inlan lawk lo. Thu zawhfiahna an neih chuan Salon lam hian medical procedures turin license pawh an nei lo a,beauty treatments atan chauh in a ni.

Salon neitu pahnih nu pakhat leh a fanu te chu man an ni tawh a, investigation hi neih mek a ni bawk. Coco Siew Zhi Shing hi 2014 khan Asian modelling competition ah a ber nihna alo hauh tawh.

the 23-year-old Coco Siew Zhi Shing

A unaupa Mr Xiao chuan a unaunu chu hmeichhe hrisel pangngai tak a nih thin thu a sawi a, a chanchin aṭang hian hmeichhe dangte hetiang kawngah hian fimkhur zualna atan hmang ngei turin a lo chah bawk a ni.

ST