He chanchin hian hnuk te pawh a ti ulh thei lek lek dawn mai. Police hna hial chelh mek chuan beidawng leh mangang tih hriat takin khawlai ah a fate a zuar meuh mai.
Video hi Internet ah a darh chak hle a, naupang hi a hmel en reng reng pawh in kum 6 ai in a upa lo ang tih tur a ni. He Police hian fa hi 50,000 Pakistani rupees ($285) in khawlai lun tak a midang tei vel te chu a zawrh kual.
Engvanga a fapa te hi bungrua ang maia zuar nge a nih tih hi Video lo hmu tu a piang te zawhna a ni a, a phen a thil thleng chu hriat ngei an chak bawk.
Vice World News in a tarlan danin Video a Police hi Nisar Lashari a ni a, Pakistan a Ghotki district, Sindh province ah chuan prisons department ah hna a thawk. Lashari hian a fapa pakhat damlo vel buaipui in chawlh a duh a, a chunga thawk a boss hnena a harsatna te a thlen chuan chawlh a pek manah thamna sum pe turin a ngiat. Thamna sum a pek theih loh vangin a leave a cancel a, an awmna tang 120 km a Larkana ah transfer a ni.
گھوٹکی کے پولیس اہلکار کو بچے کے علاج کے لیے چھٹی نہ ملی اور لاڑکانہ تبادلہ کردیا گیا، چھٹی لینے اور تبادلہ رکوانے کے لیے افسران کو پچاس ھزار روپے رشوت دینی پڑے گی، اہلکار پچاس ھزار میں ایک بیٹا بیچنے کی آوازیں لگاتا رہا۔
ہائے انسانیت کہاں ہے 😧😮 pic.twitter.com/i9hRF7IsNQ— Sheikh Sarmad (@ShSarmad71) November 13, 2021
Thamna pek tur a neih loh vanga hremna a dawn chu hriatthiam harsa a ti. An retheih vangin Karachi ah inspector general of prisons lakah hian complaint siam tur pawhin a kal theih loh thu a sawi. An awmna mite chu mi thiltithei tak an ni si a, an laka action lak ngaihna vak a awmlo a, heng vang te hian a fa chu alo zuar a ni.
Lashari thil tawn hian Internet ah sawi a hlawh nasa hle. Mitam tak ngaihven a hlawh takah chuan Sindh’s chief minister Murad Ali Shah beng pawh a thleng. He thil thleng ah hian inrawlh nghal in Lashari chu Ghotki ah a hnathawhna ngaiah a thawh chhunzawm theih thu leh a fa treatment atan ni 14 chawlh a pe bawk. Pakistani journalist Hamid Mir chuan Ghotki prison official lakah thubuai a thehlut bawk.