Mizo Elite News hi ṭha i tihzawng a nih chuan min lo Follow dawn nia

Pafa Te Chu Scooter Ah Inphura An Tlan Laiin An Puaktheithil Ken Puak Vangin Ka Pawh Chhawn Lovin An Boral

India rama pafa te chetsualna rapthlak tak video chu Social Media Platform hrang hrang ah a darh nasa hle a, an chhungte dang kianga Diwali hmang tura an kal lamah chuan chhiatna hi an tawk nia tarlan a ni.

Ningani a Kottakuppam, Villupuram district a thil thleng kha a ni a, Puducherry-Tamil Nadu border kiang ah lawk a ni. Vanduaina tawk tu hi Ariyankuppam,Puducherry lam mi Kalainesan a ni a, a fapa hi kum 7 a upa Pradeesh a ni.

An pafa hian Koonimedu, Villupuram district of Tamil Nadu ah an chhungte kianga Diwali hmang turin Scooter in an inkhalh chhuak a, Kalainesan hian Diwali an hmanna tur atan hian halmawi lam chi puakthei thil firecrackers chu bag 2 lai leiin an phur tel a ni.

Kawngpui a an tlan lai mek chuan an puakthei thil phurh hi a puak thut a, an pafa hian ka pawh chhawn lohin an boral nghal. Heng puaktheithil an phurh te hi engtia puak ta ringawt nge tih hriatchian a la nilo a, a innawkna lamah overheating vanga puak ta a nih an ring ber.

Thil puak hi a thawhchak em vangin pafa te hi an ruang pawh hlawm tlak loh khawp in a darh tih an sawi. An ni mai bakah an hnaiha awm biker dang pahnih te pawh an inhliam na viau bawk.

Vanduaina thleng hi CCTV ah chiang takin a in Record a, share a hlawh nasa hle. Ariyankuppam, Puducherry hi heng halmawi puakthei chi firecrackers siamchhuah kawngah an lar a, hetiang siam zingah hian hriatpui lem loh leh licenses mumal pawh neilo an awm nual nghe nghe.