Mizo Elite News hi ṭha i tihzawng a nih chuan min lo Follow dawn nia

Pa Pakhat Kum Upa Tawh Tak IIT-Kanpur A Zirlai Thin Anga Insawi Chu Khawlai Ah Kut A Dawh

Lehkha sang tak zir siin khawlai ah kut a dawh a, a qualification leh a nundan in thlau lutuk hian midang te pawh mak a tih tir viau nghe nghe a ni.

Kum upa lam tawh pa pakhat chu Madhya Pradesh a Gwalior a kawtthler ah rethei tak in kut a lo dawh a, Times Of India te tarlan dan chuan mi khawngaih diltu pa kutdawh hi IIT-Kanpur ah zirna a zawm tawh thin tih an tarlang.

A hming Surendra Vashisth tiin an ko a, a pa hming chu Chedalal Vashisth a ni. Surendra hi a dinhmun rethei leh chau tak atang organisation lam ten chhanchhuak in an tanpui thu an sawi bawk.

Tanpuitu pawl Ashram Swarg Sadan a mi Vikas Goswami chuan Surendra hi bus stand kiangah dinhmun chau taka an hmuh thu a sawi a, a hmuna kala biangbiakna a va neih chuan English tawng hmangin mite pawh a ti hrilhhai viau a ti. Ashram ah hruaiin a chhung leh khat te biakpawh an tum mek thu a sawi tel bawk.

Surendra hian tunhma a chanchin Vikas hnena a hrilh chuan in 1969 khan IIT-Kanpur atang BTech, mechanical engineering a zo. 1972 khan DAB college Lucknow ah a zawm leh bawk.

A pa hi JC Mill ah supplier in hna a thawk thin a, mahsela he mills hi 90s khan khar a ni. Hei bak hi chu a chanchin dang reng hriat zui tur engmah a awm tawh lo.

IT