Mizo Elite News hi ṭha i tihzawng a nih chuan min lo Follow dawn nia

Pa Hmangaihna Chuan A Fapa In Rawng Taka A Nu A Tihhlum Hnuah Pawh Ala Ngaidam Thei Cheu

Ngaihdamna hi mihring te a thil hlu tak pakhat a ni a, lehlam ah harsa em em a ni lawi bawk si. Mihring ve mai kan nih vangin kan laka fel lo te chungah phei chuan that chhuah phet pawh a harsa tak zet.

Pa chuan a fapa in a nu rawng takin a nunna a laksak tih a hriat hnu ah pawh engtin mah a chunga phuba laka a thilsual tih te rulhlet a tum lo a, a thil tih ah chuan a ngaidam zawk tih hriat a ni.

Ni 2 kalta khan mipa kum 28 a upa in a nu chu an chenna in Kuala Selangor ah a lu tan in rawng takin a that tih an sawi a. Hemi chanchin hian an awmna vela cheng midang te pawh a thawng viau bawk.

Tarlan danin a nu nunna laksak tu pa hian ruihhlo a khawih thin a, a drug ruih tur a leina turin a nu hnen ah pawisa dilin hemi hnu hian tualthahna rapthlak hi a thlenphah an ti. A hma in criminal record a nei tawh tih hriat ani bawk.

A fapa in a nu ngei rawng takin a that tih a hriat hnu ah a pa chuan a ngaidam a. “Ka fapa a nihna a bo silo. A thil tihsual ah hian inchhir a hma hun lo awm turah a nun a siam danglam theih nan atan tawngtai chauh ka tih theih awmchhun a ni” tiin a sawi ani.

A nupui chu mi ngilnei tak a nih thu a sawi a, in chhungkhur mai bakah vantlang tan pawh inhmang leh fak hlawh em em a ni thin bawk. “Tawngtai a thlahthlam ngailo a, a fate ngaihtuah tak leh an tan nu tha ber a ni” tiin a sawi.

He thil thleng duhawm lo zet hian an chhungkua pawh nasa takin a nghawng a, mahsela Pathian rinchhan chungin pawmdan an thiam. Midang te hnenah thil thlen lai thlalak duhawmlo chu thawndarh tawh lo turin a ngen bawk ani.