Mizo Elite News hi ṭha i tihzawng a nih chuan min lo Follow dawn nia

Pa Chuan A Fanu Hralhtu A Hriatchhuah Hnuah A Thinrim Insum Lovin A Fanu Bialpa Nunna A Laksak

He pa hi a landan ah misual tak ang in a lang a mahse a fanu a hmangaih luat vang in hum sual hi a dai ta pawh a nih theihna chin a awm a ni.

US a mi pa pakhat kum 60 mi John Eisenman chuan November 2020 khan a fanu bialpa kum 19 nunna laksak in a that a, a chhan pawh a fanu hi a bialpa hian Seattle a s*x trafficking organisation ah a hralh a hriat vang a ni.

Police te sawidan in a fanu hralh a nih atang a bialpa Aaron Sorenson hi a ringhlel nghal a, mawhphurtu berah a puh. A fanu hi chhanchhuak in Spokane a an chenna ah hruai haw leh a ni bawk.

John Eisenman hian lungawina famkim a la hmu thei lo, a fanu hrehawm taka siam tu a bialpa Aaron Sorenson chungah chuan phuba a la ta a, cinder block hmanga a lu ah vua in a taksa hmun eng emaw zatah a vit.

A nunna a lakfel hnu ah Eisenman hian North Spokane County a mite tlawhpawh zen zen loh ah a hruai a, Car chhungah chuan a ruang dahin a kalsan. Eisenman hi a hma in thubuai dang ala neihawm hriat a nilo. Law enforcement ten custody ah an hreng a, Washington a Spokane County Jail ah $1 million bond siam a ni.

Court documents atang a landan in Sorenson hi a kut leh ke te tawn sak a ni a, a ka chu tape hmang a tuam a ni. A thuamhnaw hak atang vawikhat mai vih a nilo tih a lang a, investigation hi neih chhunzawm mek zel ala ni bawk.