Mizo Elite News hi ṭha i tihzawng a nih chuan min lo Follow dawn nia

Oxygen Tlakchham Vangin Covid19 Vei Enkawl Lai Mi 20 Chuang In Nunna An Chan

India ram chu hrivei pun chak lamah hmasawnna duhawm lo a neih chhoh mek zel laiin a phen ah chanchin lungchhiatthlak tak tak hriat a ni chho ta mawlh mawlh mai.

Maharashtra a Nashik damdawiin pakhat ah Covid19 vei Ventilator hmanga enkawl lai mek te chu Oxygen tlakchham vangin an thi. Thi zat chiah hi Indiatimes in a tarlan dan in mi 22 an ni a, NDTV leh Media dang te chuan 24 thi ang in an puang thung.

Nashik DM chuan he chhiatna thleng hi a rawn nemnghet a, Dr Zakir Hussain Hospital ah niin Oxygen Tanker leak palh vanga vanduaina hi thleng ta a nih thu a sawi.

He thil thleng hi chhuizui nghal a ni bawk a Maharashtra Health Minister Rajesh Tope chuan Investigation zawh ve leh statement an chhuah dawn tih a puang.

Prime Minister Narendra Modi leh union home minister Amit Shah te pawh in vanduaina tawk a nunna chan chhungte hnen ah an tawrhpui thu an tarlang, Maharashtra a CMO office chuan zangnadawmna (compensation) ah cheng nuai 5 theuh chhiat tawk chhungte pek an tiam bawk.