Mizo Elite News hi ṭha i tihzawng a nih chuan min lo Follow dawn nia

‘Oxygen Man’ Tia An Koh Mai Mumbai A Cheng Hian Covid Veite Oxygen Hmantur Ngaihtuah Nan Nuai 20 Chuang Man A Lirthei Hralh Phah

Ram pum in hri vang a tawrhna nasa tak an tawn mek kar ah hian midang te tan a inpe em em Samari mitha tak tak te hi an lo inphum ru reng zel a lo ni.

Mumbai a Malad a cheng Shahnawaz Sheikh hi damlo Covid tuartu midang te a ngaihtuah leh a buaipui nasat thin vangin ‘Oxygen Man’ tiin a hming an phuahsak hial.

Damlo enkawl lai mek te leh Oxygen mamawh tu te tan phone call hmanga biak mai theih turin an inhawng a, a team te nen ‘control room’ siam in hei hian Oxygen mamawhtu mipui ten a hun tak ah Oxygen hmuin buaina an nei tawh dawn lo.

Shahnawaz hian midang harsatna a tanpuina tur atan hian a SUV nuai 22 man a tihral phah a,Ford Endeavor a hralh na atang mamawhtu te hman tur oxygen cylinders 160 a lei a ni.

Tun hi a vawikhatna mai a ni tawh lo nikum ah pawh Shahnawaz hian mi rethei zawk te chhawk zangkhaina turin a car a hralh. Thuthar lakhawm tu ten an kawmna ah chuan Shahnawaz hian nikum khan a thianpa nupui chu auto-rickshaw ah oxygen tlachham in a thi a,khata tang khan Mumbai a damlo te tan oxygen supply agent a tan a duh a ti a ni.

Damlo tam zawk te hian Oxygen an hman zawh hnu ah cylinders ruak chu control rooms ah an dah kir leh mai thin. Shahnawaz sawidan in nikum atang khan mi 4000 ai a tam an lo tanpui tawh.