Mizo Elite News hi ṭha i tihzawng a nih chuan min lo Follow dawn nia

Orlando Bloom leh Katy Perry ten an fa hmasa ber an nei ta

Actor, Orlando Bloom leh a nupui hual zaithiam Katy Perry te chuan an fa hmasa ber ni turin Nilaini khan hmeichhia an nei.

Naute hming atan hian Daisy Dove tiin an phuah a, fa an neih thu hi an nupa in UNICEF ah statement inṭawm siamin an puangzar.

Perry, 35, leh Bloom, 43 te hian an fanu kut a an chelh lai black & white thlalak duhawm tak chu an phochhuak tel bawk a ni.

Katy Perry hian nau a pai thu hi March thla a a music video tihchhuah ‘Never Worn White’ kaltlangin a puang a, naute hi a pian hma hauh in hmeichhia a ni dawn tih hi hriat lawk alo ni daih tawh nghe nghe.

An pahnih hian innei tura an inbuatsaih mek laiin hripui leng vangin inneih an ṭhulh leh a, fa hrisel tak nei turin an insawrbing rih zawk tih an sawi.

Bloom tan hian Perry nena an fa hi a fa pahnihna tur chiah a ni a, a nupui hmasa Model, Miranda Kerr lakah fapa alo nei tawh.