Mizo Elite News hi ṭha i tihzawng a nih chuan min lo Follow dawn nia

Orlando Bloom a’n a nupui hual leh a fapa te nen an thlalak a share chhuak

Inrinni khan The Pirates Of The Caribbean actor, Orlando Bloom chuan a nupui hual Katy Perry leh a fapa Flynn te nen an lengchhuak thlalak a phochhuak a, fans te lam atang lawm a hlawh hle bawk.

Bloom te hi tunah UK ah an awm mek a, kut inkai riai chunga an thlalak hi ‘FAMILY LOVE’ tia heart emoji nen Caption dah in a post a ni. He thlalak atang chiang tak lang chu Katy Perry leh a fa bik Flynn te inkarah hian inhmuhthiam lohna engmah a awm lo a, an inkar a tha hle tih a rawn lang chiang.

Flynn Christopher hi tunah kum 10 upa a ni a, a tlangval ve dawn uai uai tawh. A ni hi Bloom leh a nupui hlui Model, Miranda Kerr te fapa a nia, kum 3 an inneih hnu ah 2014 khan buaina awm lovin an inthen a, an inthen hnu ah pawh thian tha an la ni zui reng a ni.

Katy Perry leh Bloom te hian fanu thla 10 mi Daisy Dove an nei mek bawk a, Daisy hi August khan ah a piang. Katy Perry pawn Interview a neihna ah Bloom fa bik Flynn chu a enhran loh thu leh a fapa dik tak anga a chunga rilru a put thu a tilang a, Bloom chu a pa te tan Pa tha tak tiin a fak zui nghe nghe a ni.

Flynn pa Bloom leh Perry te hi an in date chhoh atang reng tawh in Flynn leh Perry te hi an inngaina nghal hrim hrim, Miranda Kerr pawh in a fapa hi a pa lak atang hauh bik hlur lovin a hrethiam thin. Perry leh Bloom te hi an inhual tawh a, inneihna buatsaih an tum lai vel mekin hripui leng vangin an la puitlin thei lo.