Mizo Elite News hi ṭha i tihzawng a nih chuan min lo Follow dawn nia

Online Lama A Thian Chhar Tan Loan Pukin A Thianin A Bum Leh Tak Si Vangin Pawisa Tam Tak A Chan Phah

Mi kan hriat chian loh hi chu rin loh mai hi a him fo. Social Media lam ah bum tawka nakina inchhir a i indawmkun mai loh nan tun atang khan fimkhur hle ang che.

Powai, Mumbai a cheng mipa pakhat kum 29 a upa chu a thian chhar thar United Kingdom a awm anga insawi in a bum hnu ah a pawisa thahnem tak chanin leiba tam tak in a delh phah.

December 2020 khan London a khawsa anga insawi hmeichhia hian friend request a thawn a, heta tang hian inkawm tlangnel chho in number te an inpek hnu ah WhatsApp kaltlangin an inbe zui bawk.

Winery hnathawk angin a insawi a, hun eng emaw chen an inbiak takah chuan a thil tum tak ah chuan a lut ta chat. India ah sumdawnna bul tan a duh a, a puihna a dil a ni.

He a thian chhar thar hian a tum ruk tak hre lo hian a bumna ah chuan a thle kawi ta a,fishery business atan farm lei a tum tih sawiin a address a dil a, thil eng emaw gift leh pawisa 50,000 Pounds a thawn tiin a hrilh.

Mahsela a hnu ah call a dawng a, chu hmeichhia bawk chuan customs official anga insawiin ramdang pawisa dan lo anga lak luh a ni a, a chetdan hi Indian officials ten an hriat thu leh pawisa te a hmu duh anih chuan fee a pek a ngai a ti.

Email ID a dil a, email ah chuan thiam tak mai hian Reserve Bank of India atanga letter thawnna chu a dawng. A email dawn chu a dik leh dik loh zawtin a thiannu chu ring em em in a bia a, fee chu chawi turin a lo ti ta a ni.

5star hotel ah a thawk a, mahse lockdown vanga hna an zawm theih loh vangin pawisa a nei lo. A chhungte leh a thiante atang pawisa dap kualin hei bakah a nu leh a nupui tlereuh hial a hralh phah.

Mahsela vanduaithlak takin fee a pek hnuah pawh eng parcel mah a dawng lo a, a rinhlelh vangin police te hnen a pan chuan bum a ni tih a hrechhuak. UK a a thian hian nuai 11 zet a laksak a ni.

“Thil duhawm lo tak a ni a, ka pawisa pukna ten min thing reng a,engtia tih tur nge ka hre lo. Hna ka neih loh vanga ka rilru hah tawh sa laiin leiba tam takin min delh mek a ni” tiin a sawi.