Mizo Elite News hi ṭha i tihzawng a nih chuan min lo Follow dawn nia

Online Lama A Bialpa Nen An Inhmuh Chuan A Beisei Ang A Phak Loh Vangin Rilru Na In A Awm

Social Media ten min chenchilh chhoh tak hnu ah chuan Online kaltlang in thenkhat in thil an chah sup sup a, a then in thian zawn nan leh nupui pasal inzawn nan an hmang ve bawk.

Amaherawh chu Online kaltlanga thil tih hi kalsual palh chang a nei fo thin. China hmeichhia pakhat pawh in Online ah bialpa a nei ve a, a bialpa lakah chuan a rilru leh thinlung zawng zawng pe in beiseina sang tak nen alo innghat nasa hle tawh.

A bialpa nen an inbiak reng hnu chuan hmaichhan ngei a inhmu turin thu an rel tlu ta a, hlim leh phur taka an inhmuhna lam tur a pan chuan a lo hmangaih em em a bialpa ngei mai a va hmu thut chu a mengphawk chiang hle a ni.

Online lama a zuna a lo uai ve ngawih ngawih chu a takah a beisei a pha ta tlat lo a, rin ai a lo hmelchhiat leh si vangin a nunna hial lak a tum tih hriat a ni. He thil thleng hi China Media hrang hrang ah a lar nasa hle.

Nula hi kum 23 leka upa a la ni a, a bialpa nen an inhmuh hian au chhuak in kha leh chen bum a a awm vangin a rilru a na a, darthlalang keh them hmanga invihhlum a tum bakah inchhawng sang atang zuanthlak a tum. Police lam hial inrawlh ngai khawp in a awm a, Police ten hmeichhia hi damdawiin lamah an tlanpui tih hriat a ni bawk.