Mizo Elite News hi ṭha i tihzawng a nih chuan min lo Follow dawn nia

Online Kaltlanga Phone Manto Tak A Chah Lo Thleng Chu A Lungawithlak Loh Hle

Tunlai te hian Online Shopping tifuh lo hi a hluar thar riau mai. Mitin te fimkhur a ngai. Online a thilchah sual thei ve hrim hrim hi a awm theih tho bawk.

Kerala a Aluva a cheng Noorul Ameen tia koh chuan October 12 khan Amazon kaltlangin Apple iPhone 12 Rs 70,900 man a chah ve thuai a, Indian Express tarlan danin Amazon Pay card kaltlangin Noorul hian pawisa hi a pe.

October 15 ah a phone chah hian a hnen a thleng a, phur taka Unboxing a neih chuan a chhungah Phone reng reng a lo awm lo. iPhone bawm chhung ah chuan Vim dishwash bar leh cheng 5 thir alo awm a, Online inbumna a ni tih a hrechhuak.

Ameen hi a thil tawn avang hian a lungawi lo khawp mai. Cyber Police Station ah thubuai a thlen a, case te ziak lutin Police ten phone bawm a IMEI number hmanga investigation an neih chuan September atang daih khan a phone tur hi Jharkhand ah an lo hmang tawh tih an hrechhuak.

Amazon authorities leh Telangana-based seller te chu an be pawp nghal. September 25 ah Jharkhand ah Phone hi an hmang tawh a, October ah daih Order hi siam a ni thung. Out of stock a lo nih tawh vangin Noorul an payment a tihfel vek tawh chu a pawisa pek let leh a ni.