Mizo Elite News hi ṭha i tihzawng a nih chuan min lo Follow dawn nia

Online Class An Neih Laiin A Zirlaite Hnenah Camera On Vek Tura A Hrilh Hnuin A Boral

India ram Kerala ah chuan zirtirtu pakhat in a zirlai te Online class a neihpui mek laiin beisei loh tak thil a thleng a, zirtirtu hian vanduai thlak takin a nunna a chan.

Zirtirtu khawngaihthlak tak hi Madhavi (kum 47) a ni a, Adottukaya, Kasargod district a Government Welfare Lower Primary School ah Mathematics zirtirtu in a thawk a, hripui leng vangin Class hi Online in kalpui a ni.

Ningani khan taksa nuamsam lo chungin Class III te chu Online Class hi a neihpui a, Madhavi hian naupang te chu an hmel a hmuh theih nan an Camera on vek turin a hrilh. A zirlai te hnen ah chuan thil a hrilh mawlh mawlh a, karleh lam ah chuan Offline Class an kalpui theih a beisei tih pawh a sawi.

Thu a sawi mek lai pawh in a khuh deuh reng mai a, thawk lam a harsat hle bawk. Homework te an in pe a. Madhavi hi a pasal in a boralsan tawh vangin amah chauh in a cheng. A chunga thil duhawmlo hriat a nih rual hian a laina hnai te koh nghal an ni.

A chhung te an thlen hian nikhua a hre tawh lo a, damdawiin ah hruaiin mahse a nunna an chhan hman ta lo. A zirlai te chuan Madhavi chu zirtirtu tha tak leh a hna ngaihsak tak a ni tiin an uizia an tarlang nasa hlawm a ni.