Mizo Elite News hi ṭha i tihzawng a nih chuan min lo Follow dawn nia

Online Class A Kal Theihna Tur Smartphone Tuakin Khawlaiah Theihai A Zuar A, A Rinloh Lam Atangin Tanpuitu A Tawng

Zirlai tam tak te hian he Pandemic vanga an tawrhna hi a namai bik lo a nia. Jharkhand’s Jamshedpur a tleirawl kum 11 a upa Tulsi Kumari hian kawngsirah Online Class a zawm theihna tur Smartphone tuakin theihai a zuar.

Tulsi hi fifth grade zirlai a ni a, government school ah kal mek in Coronavirus pandemic vangin School kal thei lo in an awm a, Online atang Class kal a ni.

Mahsela he hmeichhe naupang lainatawm tak hian Online Class kalna turin Smartphone chu an chhungkaw dinhmun in a zir loh em vangin a lei ve theih loh thu tualchhung media te hnen ah a hrilh.

Kawng sirah chuan theihai zuar in pawisa a thawkchhuak a, a chanchin lungchhiatthlak hi Managing Director of Valuable Edutainment Private Ltd a mi Ameya an alo hriat chuan tanpui ngei a duh.

Ameya hian Tulsi Kumari hnen atang hian theihai chu a lei sak a, pum 12 lek chu Rs 1,20,000 zetin alo lei sak hem mai a nih chu. Tulsi in Online Class a kalna tur in Ameya chuan theihai pakhat zel hi Rs 10,000 man ang hu in a lei a ni.

Nilaini khan pawisa te hi a pa Srimal Kumar account ah thunfel sak a ni tawh a, Ameya zar liau liau in Tulsi pawn Online Class zawmna tur Smartphone a lei thei ve ta a ni.

Zirna ngaisang tak tak mahse chhungkaw dinhmun in a zir ngang loh vanga Online Class kal ve thei lo hi zirlai engzat tak awm ang maw.