Mizo Elite News hi ṭha i tihzawng a nih chuan min lo Follow dawn nia

One Direction star Liam Payne an Maya Henry nen an inkar a titawp, a fapa kiangah hun tam zawk hman a duh

One Direction star Liam Payne chuan kum 1 chuang dawn alo kawp tawh US model Maya Henry nen inhualna an neih hial tawh hnu ah an inkar titawp in inhualna an chhuchat a, hemi chungchang hi Liam a’n The Diary Of A CEO podcast a inlanna ah a sawichhuak.

Liam Payne chuan midang te natna thlensak tu nih chu a duh loh thu a sawi a, a hun tam zawk a fapa Bear tana hman a duh a, nun entawn tlak leh felfai taka nun hman a ngaih thu a hrilh.

Liam leh Maya te hmuh an nih hmasak ber chu kum 2019 a public event ah khan a ni a, tluang te a an inkawp zel hnu ah an hmangaihna parchhuah tir zel chungin August 2020 khan an inhual.

Maya nen an intawn hma hian Liam hian “Girls Aloud” singer Cheryl nen 2016 atang 2018 thleng kha an inzui hman a, tuna an fapa Bear hi March 2017 khan alo piang a ni.

Source in The Sun te hnen ah “Liam hian Maya nen an inkar thu a pawhchah hnu atang khan a fapa tan khawvela Pa tha ber ni thei turin a inbuatsaih a, a hun tam tak a kianga hman thlahlel in atan chuan a fapa Bear hi a khawvel leh a engkim a engkim a ni. A fapa vang hian a nun pawh a uluk a, a lifestyle thlengin a thlak” an ti bawk.