Mizo Elite News hi ṭha i tihzawng a nih chuan min lo Follow dawn nia

One Direction star Harry Styles chu amah aia kum 10 chuanga upa Actress hmangaihna tawn ah a luangliam

British mipa zaithiam Harry Styles leh a bialnu lemchan thiam Olivia Wilde te chu chawlh hmangin Italy khawpui ah hmuh dun an ni a, Vacation an hmanna thlalak atang in an pahnih hian an inhmangaih in an inthlahlel ngawih ngawih a ni tih pawh hairual a ni lo.

PageSix chanchinbu ten Harry Styles leh Olivia Wilde te chawlh hmanna thlalak hrang hrang te hi an rawn phochhuak. He hun atan bik liau liau in luxurious yacht chu an hmang hawh tawp a, Mediterranean sea vel ah hmuh an ni.

Wilde hian lawng chungah lehkhabu chhiar in sunbathing te a nei a, a bialpa Harry erawh tuicheng in wave surfing te a nei. Harry hian a bialnu hi a duh hle a ni tih hriat nan alo fawp deuh reng mai bawk.

An ni pahnih hi nikum a ‘Don’t Worry Darling’ an buaipui dun atang an inhmelhriat a, Olivia Wilde hian Harry hi blockbuster Dunkirk a a chetdan a hmuh khan a ngaina nghal hle, tichuan Don’t Worry Darling a tel ve tur in a sawm ta hial a ni.

Inthianthatna atang hmangaihna kawng an zawh hun hi kum liam ta daih khan a ni tawh. California a Harry’s manager nupui neihna ah pawh an pahnih hian an kal dun. Mahse heti khawpa an inzui hmuh an ni chung pawn an inkar thu hi an nemnghet duh chuang miah lo.

Pagesix chuan Harry leh Olivia te inkar chu a nghet hle niin an sawi a, Olivia chenna in ah pawh Harry hi lenglut in a fate nen pawh an inhmelhriat tawh hle. Olivia aiin Harry hi kum 10 reng rengin a naupang zawk bawk a, fans te pawh in Olivia kum lama a upat zawk vang in an duhpui pumhlum thei loh phah reng.

Olivia Wilde hi 1984 a piang a nia, Harry Styles erawh 1994 daih a piang a ni thung. Harry nen an intawn hma hian Olivia hi actor Jason Sudeikis nen an innei a, kum 9 zet an awmdun hnu ah an inthen. An pahnih hian fa 2 an nei hman.