Mizo Elite News hi ṭha i tihzawng a nih chuan min lo Follow dawn nia

Olympic Silver Medallist Mirabai Chanu In A Training Laia A Thlawna Hruai Thin Tu Truck Driver Te Hnenah A Lawmzia Lantirna A Tilang

I nun ah hlawhtlinna ropui tak chang ta la, hlawhtling tura i beihna kawng a i tana mi tangkai tak tak te kha i theihnghilh bik hauh lo ang.

Tokyo Olympic neih a 49kg weightlifting category ah India tana Medal hmasa ber chawichhuak tu Mirabai Chanu chuan a hlawhtlinna kawnga atana mi in pe tak tak te chungah lawmthu sawilet nan thil a lo sak.

Mirabai Chanu te chhungkua hi chhungkaw hausa tak an ni lo. An khua Nongpok Kakching atang a training na hmun Manipur khawpui Imphal a Sports Academy hi 25km-30km zet a thui a ni.

Public transport hmanga a training na hmun kal reng turin an chhungkaw dinhmun in a zir lo a, private transport phei chu atan beisei chi zia zang a nilo. Hemi a nih vang hian Mirabai chuan a Training na hmun a thlen theih nan Imphal lama tiau vel phur thin truck ah a chuang tawp thin a, Truck khalhtu te hian pawisa chawi tir lovin a thlawn in training na hmun a thlen theih nan an chuan tir a ni.

Mirabai pawh in Truck Driver ho te, a laka an thatna hi hlawhtlinna a chan hnu hian a theihnghilh thei lo. Tun dinhmun hi an tello chuan a thleng thei dawn lo tih a hrechiang bawk.

“Khang hun chhung zawnga kan chenna in atanga training centre thleng min hruai tu Truck khalh tu te kha hmuh leh a, an laka lawmthu sawi ka duh a ni. Training khirhkhan tak ka hmachhawn laiin nasa taka min tanpui tu te an ni” tiin a sawi.

Truck Drivers te chu Mirabai hian a zawngchhuak a, an chungah a lawmzia entir nan Driver leh an mahni puitu helper 150 lai te hnen ah chhun chaw tui tak hluiin kawr leh an mahni Manipuri scarf te alo pe theuh hlawm. He hun ah hian Mirabai Chanu phei chu lungchhia in a hnuk a ulh hial a ni.