Mizo Elite News hi ṭha i tihzawng a nih chuan min lo Follow dawn nia

Officer In Thikthu Chhiat Vangin A Bialnu Na Takin Kut A Thlak

Nupa emaw ngaihzawng inkarah pawh nise inrintawnna a awm loh chuan a tawp ah rah duhawm lo tak a chhuah nge nge thin.

Hmeichhia kum 46 a upa chu a bialpa kum 34 miin na taka kutthlak in Metal Rod hmangin a lo vua a, hethil hi Zirtawpni, 4 December a Bandar Puchong Jaya, Serdang a thleng a ni. A bialnu kutthlak tu pa hi PDRM Officer a ni bawk.

Harian Metro te tarlan dan chuan Officer pa hi a bialnu te chenna apartment ah a va kal a, pawn lamah inbiakpui tura sawmin mahsela a hmeichhia hian a duh lo. A bialpa hian amah lo mipa dang a kawp niin alo puh a ni.

Hetia pawn lama a chhuah duh tlat loh vang hian a thinrim hle a, a bialnu leh a fanu bakah a fanu pasal te Car 3 lai Honda Civic, Proton Satria Neo leh Perodua te a tichhiatsak. A hnuah apartment ah lutin a bialnu chu Metal Rod hmangin a hlap zui nghal mai.

A bialnu fanu kum 26 chuan a nu kuttuar lai hi a mit ngeiin a hmu a. Thenawm a mite chuan thil thleng chu a fapa an hrilh hnu ah Police ah thubuai theh lutin Officer hi an man ta a ni.

Hetiang thil a thlen chhan ber chu a bialnu hian mipa dang a kawp nia ngaiin a thikthu chhiat vang ber niin an tarlang. Case hi Section 326 of the Penal Code leh Section 15 (1) (a) of the Dangerous Drugs Act 1952 hnuai ah Investigation kalpui a ni a, a bialnu kutthlak tu pa hi screening test an neih chuan methamphetamine a positive tih hriat a ni tel bawk.

WOB