Mizo Elite News hi ṭha i tihzawng a nih chuan min lo Follow dawn nia

Odisha Nu Chuan A Rohlu Bakah A Chenna In Leh Lo Cheng Vaibelchhekhat Man Hu Zet Chu Rickshaw Khalh A Inhlawh Thin Hnenah A Hlan Vek

A thisen zawm pawh nilo hnenah chuan a rosum leh pai mai bakah a in leh lo thlengin a hlan fai vek a, engvang a heng thil te hi a thlawn a pe ta mai nge a nih tih chungchang ah hian zawhna pawh a tam hle.

Odisha’s Cuttack a cheng kum 63 a upa nu pakhat Minati Patnaik chuan a ro zawng zawng chu rickshaw puller, Budha Samal hnen ah a hnuchhiah vek a, Minati Patnaik in ro a pek zawng zawng hi a sum zawng chuan cheng Vaibelchhe 1 man hu vel zet a ni a, heng zingah hian Sutahat area a an chenna in chhawng 3 leh rangkachak thil hlu dang te pawh a tel.

Minati Patnaik hian a ro zawng zawng te Budha Samal hnena a hlan ringawt chhan chu an chhungkaw dinhmun chhiat lai ber pawh a phunnawi lo leh phatsan mai lova rinawm taka a tanpui thin vang a ni. Thla 6 kal ta khan Minati Patnaik hian a pasal chu hripui vanga chan in a hnu ah a fanu in a lo boralsan leh bawk.

Budha Samal hian Minati fanu hi a damlai pawh khan School leh College ah te a hruai thin a, an in pawh tlang em em tawh. Budha Samal hi an chhungkaw tan hian a rinawm hle.Minati in a pasal leh fanu te a sun khan a chhung hnai vai atang tanpuina engmah a hmu lo a, tanpui tu awmchhun chu Budha leh a chhungte chiah an ni. An ni hian Minati dinhmun chu an hriatthiampui a, chhungkaw mi leh sa ang chiah in an lo tuamhlawm a ni.

Budha leh a chhung ten an buaipuina leh enkawlna zawng zawng ah hian a lawm em vangin a ro zawng zawng chu hlan a duh a, he a ro hnuchhiah hi nakin ah a awm loh hnu ah pawh buaina an neih loh nan dan ang takin Court Document ah Minati hian a sign hnan thlap bawk.

“Ka pasal leh ka fanu ten min boral san khan heng Property te hian ka tan hlutna an nei tawh lo. Hun thim tak tawk a ka lungngaih em em lai khan ka chi leh kuang atang in tumah ka tan ke an penchhuak duh lo a, mal leh khawhar takin ka awm. Mahse he rickshaw puller leh a chhungte hian enkawlin min lo kuangkuah a ni. Chuvang in heng ka ro te hi an chang ang” tiin Minati Patnaik hian a sawi.

Budha Samal hi Minati Patnaik chhungkua te nen an inhmelhriatna kum 25 zet a ni tawh. An tana rawng a bawl sak fo te chhungkaw ro leh an chenna in hi a chang ang tih rin ngaihna a hre bik lo a, a ni chuan a tih tur ang tiin pasal sun tawh a nih na kawngah alo khawngaih ve em em a. Mahsela a hmasial lohna leh a khawngaih na chuan a beisei loh tak in dinhmun sang takah a din tir phah ta zawk a ni.

Court lamah dan ang taka lehkha an tihfel hnu hian Minati chuan “ka lo boral ta a nih pawh in ka ro chungchang ah hian Budha leh a chhungte hi tumah in an tibuai thei tawh lo ang” tiin a sawi.