Mizo Elite News hi ṭha i tihzawng a nih chuan min lo Follow dawn nia

Nutling Kum 62 Mi In Kum 26 Val A Thlang, A Pasal Tan Nupui Hmeltha A Nih Theih Nan Pawisa A Seng Nual

Sum a awm hi chuan thil theihloh tak tak hi alo awm lo. Hmel thlengin pawisa a awm chuan a thlak danglam theih tawh a ni.

Vietnamese nu pakhat kum 62 a upa Hoa Cương Thu Sao chuan pasal atan kum 26 val a thlang a, a pasal tan nupui hmeltha a nih theihna turin a hmel chu Plastic Surgery hmangin a thlak danglam tir, a hmel siam that nan hian 100 million dongs (RM17,700) lai sum a seng,a hnar leh mit ko te chu alo siam rem tir a ni.

Hoa Cương Thu Sao hi kum 2018 khan tuna a pasal nen hian an innei. An inneih hian an kum inthlauh lutuk vangin mite sawi sep sep an hlawh nasa hle a, an inneih thlalak pawh a lar zui viau nghe nghe a ni.

Hoa Cương Thu Sao hian Coffee dawr te tak te neiin a innghak thin a, tuna a pasal hi a coffee dawr ah hian chawl ve thin in a customer hlun ber a ni a, chuta tanga intawng ta an ni hial reng bawk.

A pasal hmasa lakah fanu pahnih nei tawh in a fanu upa zawk phei chu a pasal nen hian unau ni zawk awm tak an ang. Hoa Cương Thu Sao hian a tirah chuan a pasal hi a proposal pawh a pawm sak duh lo, mahsela a hmangaih tak tak a ni tih a hriat hnu chuan tlangrel thang pawh dawn zo lovin amah hmangaihtu chu a pawm ve ta hmaih a ni.

“Tun kum 3 chhung khan miten kan inkar ah zawhna tam tak neiin min beizui hrep bawk a, mahsela kan inhmangaihna hi a nghet a, hmangaihna tak tak a ni. Hlim takin hun kan hmang zel a, kan hma hun lo awm tur pawh hetiang hlimna hian min lo hmuah ngei kan beisei” a ti.

WOB