Mizo Elite News hi ṭha i tihzawng a nih chuan min lo Follow dawn nia

Nuthlawi tharlam Angelina Jolie Big Apple ah ala chambang, a pasal hlui nen an inhmu thin

Kan hriat theuh angin Hollywood a nupa inhmeh ber a sawi thin Brad Pitt leh Angelina Jolie te an inthen fel ta a, an inthenna an buaipui fel zawh atang phat in buaina eng eng emaw an nei tan a ni.

A pasal hlui Actor, Brad Pitt an Jolie in an fate a hauh lutuk chu a ngaithei bik lo. Court ah an fate enkawl dan tur chungchang ah inkhingin roreltu in an pahnih ah hian an fate enkawl ah thu neihna in zat ve ve a pe ta ringawt bawk.

Pitt nen an inkar a fel tawh bawk a nuthlawi thar lam Angelina Jolie hi kum 40 ral a pelh tawh hnu ah zawnglai angin a rawn inla nula tha leh tawh hle a, tattoo thar te pawh a taksa ah a chhut kai thar tir der tawh. New York ah tunlai hian hun hmang mekin, Report thar ber tarlanna atang Jolie hi a pasal hlui nen an inhmu thin tih an sawi.

Instyle chuan Jolie hi a pasal hlui Jonny Lee Miller nen hun hmangin an chhuak a, Brooklyn apartment ah vawikhat mai nilo vawi hnih lai hmuh a ni an ti leh ta.

Jolie leh Miller te hi 1995 a movie pakhat “Hackers” an buaipui atang an inchhar a, thla 6 hnu ah innei in 1999 khan an inthen. 2014 a Hello! magazine nen an inkawm ah Jolie chuan Miller nen hian inhaw lovin thian an nih zui tak thu a lo sawi tawh.