Mizo Elite News hi ṭha i tihzawng a nih chuan min lo Follow dawn nia

Nurse Leh A Fapa Te Chu Covid19 Vanga Chawlhkar 11 An Inṭhen Hnuah Inhmu Leh

He hri vang hian chhungkaw inhmangaih tak tak te pawh awmdun theilo in an inṭhen phah a, a ṭhen te phei chu damchhunga inhmu leh tawh ngailo turin an in mangṭha bawk.

Nurse pakhat Charlotte Cole, 30 leh a fapa kum 2 mi George te chu chawlhkar 11 lai awmhranga an inṭhen hnu ah dam takin an inhmu ve leh thei ta.

Charlotte hian a fapa himna ngaihtuah in April 1 khan a nu leh pa te hnen ah a dah a, a chhan pawh a hnathawhna hmun ah Coronavirus confirm case an neih vang a ni.

A pasal Daniel nen chuan an fapa George hi tukverh chhan aṭang chauh in an hmuh thei. Mahsela tunah chuan chhungkaw kim in damtlang takin an inhmu leh ta ani.

Charlotte chuan a fapa George te nen thla 3 dawn an inṭhen hnua chhungkima inhmu a an han inkuah ho leh thei chu Christmas ang mai a ni a ti a, an hlim hle thu a rawn sawichhuak.

A hlata awm tura a fapa dah kha thu tlukna harsa tak a ni a, mahse a himna turin a tih ngei a ngai si a. Rilru hrehawm tak a hun a hman chang pawh a tam. Charlotte chuan an chhungkua hian an inṭhen hran tawh loh hram a beisei thu a sawi bawk.

DM