Mizo Elite News hi ṭha i tihzawng a nih chuan min lo Follow dawn nia

Nupui Ah Rice Cooker A Nei A Ni 4 Chhung Chiah An Innei Thung

Mahni mihring pui ngei thlang lova thil nung pawh nilo bungrua mai mai damchhunga kawppui atan a thlan avang hian he pa hi nupui nei maksak ber zingah chhiar tel loh theih a ni lo.

Indonesia ram a cheng Khoirul Anam hian a kawppui atan zaleng hei zawng zingah Rice Cooker ber kher a thlang teh tlat pek a, Rice Cooker chu nupui atan a nei bawk.

An inneih thlalak hi Facebook kaltlangin a phochhuak a, mite chu a barakhaih ang reng hle a ni. Khoirul chuan inneihna ah hian thuamhnaw var inbelin nalh takin a induang zan a, a nupui Rice Cooker pawh hi puan var in alo khuh.

Khoirul hian inneihna lehkha ah a hming a ziah hnan thlap. A nupui chu mi tawng tlem tak a nih thu leh chaw chhum a thiam zia thu ten a fak nasa a, Facebook lama lo thlirtu te pawh in mak leh pawm harsa ti tak chungin nupa kawprem tak ni turin duhsakna an hlan ve bawk.

Amaherawh chu thil nung lo na na na a neih vang nge an inneihna hian a daih rei lo hle. Inneih atanga ni 4 na ah chuan Khoirul chuan an inthen thu a puang leh nghal a, a nupui Rice Cooker a then leh tak chhan ah chuan chaw chu a chhumthiam a, mahsela a bak thil dang thiam a neih loh vangin then mai a duh ta zawk tih a sawi.

A khawsak dan hi fiamthu a thawh emaw tih tur khawp in a awihawm lo lek lek zawk hial a ni. Post a siam hi reilo te chhungin 7,000 chuang like a dawng a, mi 10,000 ten an share darh nghal bawk.