Mizo Elite News hi ṭha i tihzawng a nih chuan min lo Follow dawn nia

Nupui A Neih Ni Chuan A Bialnu Hluiin Amah Zawk Nei Turin A Ti A, An Pahnih In A Nei

I pasal emaw nupui neih ni ah i ngaihzawng then tawh khan nei tur che in ngen ve ngawr ngawr ta che sela engtiang in nge ilo dawn sawn ang. Hetiang thil hi chu a tawng tu tan pawn luck intih ai mah chuan a nuam lo duh ve chem chem a rinawm.

Indonesia ram a Lombok Tengah ah tlangval pakhat kum 20 a upa Korik Akbar chu nupui nei turin a inbuatsaih a, inneih hun an ruat a lo herchhuah a nupui a neih dawn chuan a rinloh leh beisei loh tak mai in a nupui tur pawh nilo hmeichhe dang chu inneihna ah tel ve a tum ta ringawt.

He hmeichhia Yuanita Ruri, 21 hi mo neitu tur Korik Akbar bialnu hlui lo ni reng chuan, a bialpa te inneih hun tur a lo hmuh in inpeih tak in pasal neih ve turin rilru alo siam hmak a ni.

Yuanita hian Korik an nupui thar a neih tur thu a hriatna hi a thian ten Social Media kaltlang a lawmpuina an hlan a hmuh atang in a ni. Korik nupui tur dik tak zawk Nur chuan “ka pasal bialnu hlui hian social media kaltlang in ruahmanna kan neih te a lo hmu a,hei vang hian a nupui ni ve turin a ngen ta ringawt” tiin Harian Metro hnen ah a sawi a ni.

Korik hi 2016 daih a a lo date ve zak zak tawh hmeichhia in a nupui atan nei tura a ngen chu a thawng ve nasa hle. Mahse chhungkua inbia a sawi ho na an neih hnu ah chuan a tu zawk mah thlauh thla lovin an pahnih chuan nupui ah a rualin a nei a, thuamchhawm atan pawh a in zat ve ve seng turin a lo hrilh.

Tun ah hian an pathum in an awm ho mek a. Korik erawh in hmeichhe pahnih te nupui a a nei chu phurrit a tlin thu a sawi. Hna engmah thawh a nei silo a, a nupui te pahnih lah enkawl turin amah ah an innghat vek bawk avangin a rilru a zam hle.

Inneihna a thil dangdai deuh deuh thleng hi sawi tur a awm fur. Kum kal ta mai pawh khan Indonesia ram a inneihna pakhat ah vek monu chuan a pasal thar hnen ah inneih chhim tu zinga telve a bialpa hlui ngei mai chu vawikhat chauh a tawp nan kuah leh a lo dil tawh bawk.