Mizo Elite News hi ṭha i tihzawng a nih chuan min lo Follow dawn nia

Nupui A Neih Hma Darkar Tlemte Chauh A Awm Tawh Tihah Accident In A Boral

A nupui ni mai tur chan a indah hian a nat dan tur chu i hriatthiampui ve ngeiin ka ring. Inneihna hi mihring kan nih chhunga hun ropui ber lai a ni a, mahsela an ni pahnih tan erawh an hlimna ni tur ah chuan thihna kutvawt chuan a then hrang ta si.

Kum 20 lek a upa Myles Harty hi nupui nei mai tawh tur a ni a, an inneih hma in darkar tlem te chauh a awm tawh tih ah Car Accident tawkin vanduaithlak takin a nunna a chan a ni.

Accident thlenna hi Limerick a Rathkeale Road ah a ni. Myles hi Askeaton, Co Limerick a khawsa a ni a, Limerick City a St Munchin biakin ah a nupui hual Kate Quilligan nen kut insuiha nupa a insiam mai tur an ni tawh. Kate Quilligan hian a pasal ni mai tur chunga thleng a hriat zet chuan a thawngin a thinlung a kehsawm chiang hle.

Hlim taka nupa ni tura an inbuatsaihna hmun ngei chu damchhunga inhmu leh tawh lo tura an inthlahna ah a chang zo ta. Kate chu lungchhe tak in a pasal thlahna ah “kumkhua in ka hmangaih reng ang che. Hetiang thil hi i chunga thleng tur a ka ruat leh beisei ngai loh a ni a sin” tiin a tap hawm hawm. St Munchin’s Church ah hian mitam tak an pung khawm hlawm a, Miley Harty pualin balloon chu van lamah thlawhkan tirna hun hman a ni.

Accident thlenna a inhnamhnawih Car khalhtu rawlthar chu man a ni tawh a, pakhat zawk hi University Hospital Limerick ah a hliam enkawl tura hruai niin a dinhmun erawh ngaihtuahawm a nilo tih an sawi.