Mizo Elite News hi ṭha i tihzawng a nih chuan min lo Follow dawn nia

Nupui 9 lai nei tu chuan an nupa nun chungchang a harsatna te puang

Thenkhat in nupui pakhat pawh hmuh zawh loh lai hian a ni erawh zawng nupui lamah na na na chuan a vanneih tawn taw bik khawp. Mahse nupui neih ngah ringawt chu alo awlsam lo tih hrechiang ber tu a ni bawk.

Brazilian model, Arthur O Urso hian nikum khan nupui 9 ngawt neiin News hrang hrang a luahkhat nasa hle. He an inneihna hi hmangaihna hian ram ri a kham loh zia leh nupui/pasal pakhat ringawt neih chu dan naran a nih bik loh zia hmuh tirna ani ber.

Amaherawh chu Arthur O Urso hian an nupa nun chungchang ah harsatna a tawh thu a puang a, nupui tam tak neih chu tih namai a nilo. Nupa nun chungchang ah a nupui te hi an lungawi vek nan leh an in thik kual loh nan timetable an siam thlap tih a sawi.

Mahsela hun an ruat thin chu atan a hahthlak bik thin a, a chang chhuan nawmna leh hlimna tel lova an hun ruat ang te a zawm a ngaih vang a hman a ngaih chang a awm thin thu sawiin a nupui pakhat mai ah chuan insawrbing a harsat thu a sawichhuak ani.

Nupa nun chungchang bakah thil pek kawng ah pawh a in ang tlang vek an dawn thin a ngai a ti a, pakhat hnen a thil man to deuh pek a, thenkhat in thil te tham leh man tlawm zawk an dawn chuan inthikna a thlen phah thei a ti bawk a, a nupui te chuan ngaihsak leh hmangaihna in ang tlang vek an hmuh chu a mawhphurhna lian tak a ko a tla a ni.

Hmanni deuh lawk khan a nupui zinga pakhat Agatha chuan a nupui dang te nen a khawsak ho chu duh lovin a chhuahsan thu a puang a, Agatha hian a nupui dang thik in amah chu neih pumhlum bik a duh vang ani a ti bawk. Nupui tam tak a neih erawh hi dan ang thlap a nilo thung a, Brazil ram ah hian nupui/pasal pakhat ai tam neih hi dan phal loh ani.

Nupui heti zata tam a nei tawh chung in Arthur hian nupui 10 neih tlin a tum a, a nupui te theuh atang hian fa neih vek a tum thu a sawichhuak nghe nghe bawk.