Mizo Elite News hi ṭha i tihzawng a nih chuan min lo Follow dawn nia

Nupui 8 lai neiin in pakhat ah hlim leh inngeih takin an cheng ho

Thenkhat tan nupui pakhat pawh hmuh zawh a har em em laiin a ni erawh hi chuan nupui ah na na na chuan lungngaihna tur reng a nei lo.

Thai tattoo artist pakhat Ong Dam Sorot tia koh hian nupui 8 lai neiin a nupui te nen hian in pakhat ah an cheng tlang vek a, innghirnghona leh buaina nei lovin hlim takin an khawsa tih tarlan ani.

A nupui 8 te hian an pasal 1 lakah hian thikthu an pe chhe lem lo a nih hmel a, inngeih taka chengin an pasal Ong Dam Sorot chu “mi duat thiam leh hmangaihna ngah tak mipa a ni e” tiin an fak hial bawk.

Heti zat a tam a nupui te nen an intawn dan hi Oddity Central ten an tarlan ah chuan Sorot hian a nupui hmasa ber hi a thiante inneihna hmun ah an inhmelhriat hnu in an inkawp a, a hnu ah inhualin an innei zui ta ani.

A nupui pahnihna nen hian market ah an intawng a, a nupui pathumna hi damdawiin atangin an inchhar. Midang a nupui 4, 5 leh 6 te hi Social Media kaltlanga a tawn te an ni.

A nupui 7 na hi Phra Pathom Chedi temple ah an inchhar leh a, a nupui 8 na erawh a nupui dang 4 te nen Pattaya chawlh an hmanna atangin an inchhar ani.

Sorot hian nupui dang a neih duah na ah hian amah maiin thutlukna a siam vek bik lo a, a nupui hmasa ber hnen ah chuan midang nupui a a hruailuh na turah hian a phalna a dil thlap ani. A nupui hmasa ber nen fapa 1 an nei tawh a, a nupui 2 ten tunah nau an pai ve leh mek bawk.

Hlim tak leh inthurual taka a nupui 8 te a tih lungawi vek theihna hi thil mak ve tak zawng a ni ve reng reng. Sorot hian nupui 2 neih belh leh se chuan football team 1 chu an tling thei tawh dawn tihna ani