Mizo Elite News hi ṭha i tihzawng a nih chuan min lo Follow dawn nia

Nupa Tuak Thar Te Inneih Thlalak Zet Chuan Sawisel A Hlawh Nasa

Thlalak ṭawp leh bawlhhlawh a ni tiin lo hmu tu te chuan an sawisel sak a, amaherawh chu an nupa hian bawlhhlawh a nih loh zia tihchian nan an thlalak te chu delete an tum lo.

India ram Kerala a nupa tuak thar Rishi Karthikeyan leh Lakshmi te hi September 16 khan an innei a, inneih thlalak chu mite tih loh dan ang deuh a la in, an thlalak te hi Social Media ah phochhuak a ni.

Hetia thlalak an phochhuah hnu hian fakna lam aiin selna an dawng zui mawlh mawlh. An nupa hian an hriat reng tawh turin Post-Wedding Photoshoot hi an nei.

Photographer ruaiin Idukki’s tea gardens ah chuan Shooting an nei a, thlalak ah hian an nupa in hmuh theih chin ah Silk puan var chauh an lo sin a ni.

Hei vang hian sawisel pawh an hlawh phah ta reng. An hnam dan leh zia rang zahlohna lian tak ah an ngaihsak a, bawlhhlawh leh tenawm, midang te a thil ṭha lo tuh tu ti te in an chuk rawn nasa hlawm. Thlalak hian mipat hmeichhiatna lam rawng kaia comment tam tak a dawn phah bawk.

Rishi chuan traditional veshti leh saree inbel a kut inkai chunga temple vela han kal kual vel ringawt lovin midang te ang lo tak maia idea thar a Post Wedding Shoot hi nei ta an nih thu a sawi.

Shoot an nei tluan chhung zawngin thawmhnaw an inbel tih a sawi bawk a, pawn lam vantlang hmun a shooting nei an nih avangin thuamhnaw inbel loh tawp chu thil theihloh a ni a ti. An Photographer chu creativity leh camera skills ah a lo fak nasa a ni.

Kum tir lam ah khan inneih an tum zawk mah a, mahse Covid19 Pamdemic vangin an inneih hun hi an tikhawtlai phah. Online lama troll an dawn mai bak ah hian an ṭhenawmte leh lainahnaite ngei pawn an thlalak hi an bul ah an lo sawisel bawk. An nupa erawh in thlalak chungchang ah hian dik lo leh phal loh na lai an hmuh miau loh vangin lakthlak an tum lem lo.

Zeenews