Mizo Elite News hi ṭha i tihzawng a nih chuan min lo Follow dawn nia

Nupa Tuak Ten An Duh Leh Chak Zawng Tak An Tih Theih Nan An Hna Bansan

Damchhung reilo te ah mahni thil duh em em leh chak zawng tak tih theih tluk a hlu a awm hleinem. An ni pawh hian an nupa duh zawng in ang tak chu kaltlangpuiin an tihlawhtling ta mai zawk a ni e.

Kerala a khawsa nupa tuak Harikrishnan J leh Lakshmi Krishna te hian hmun hrang hrang ah theuleu a zinvei vah kual vel duhin an hnathawh lai an chawlhsan phah hmiah tih hriat a ni.

India ram hmun hrang hrang a tlawh kual a zin tur hian an nupa hian an in mil viau a, an tei kualna ah hian hmun hrang hrang ah awm lovin an chuanna Car chhungah chuan khawsa in mut te pawh an lo mu vek a ni.

“Hetia Car hmanga han zin kual vel hi a hma daih atang in kan duh tawh a, road trip nei tura kan inruahman chhoh mek lai in October thla a Border khar a nih vang khan puitlin a ni leh thei ta lova Thailand ah bike hmanga tour neih vel te kan lo ruahman” tiin Harikrishnan chuan Conde Nast Traveller (CNT) a hrilh.

Public transport a India ram chheh vela chhuah chu an ngaihtuah ta zawk a, mahse vantlang zin vei vahna hman ai chuan Car zawk chu hmangin an riah bakah ei tur te pawh an inbuatsaih vek.

2020 kum tawp lam atang daih tawh khan Harikrishnan J te nupa hian zinchhuah hi an lo ching tawh. 10,000 km zet a thui an zin kual tawh bawk a ni. Petrol hman tur lam ah zawng lungphanna an nei vak lo a ni e.