Mizo Elite News hi ṭha i tihzawng a nih chuan min lo Follow dawn nia

Nupa Tuak Khat Ten Medieval Hunlai A Thil Hlu Deuh Mai An Chhar Nawlh Mai

Lancaster a cheng nu pakhat NHS nurse ni lai mek Buffy Bailey leh a pasal Ian te chuan North Yorkshire a Sheriff Hutton Castle kiang ah metal detector nen in hawl chhuak in thil hlu tak an va tawngfuh nawlh.

Buffy Bailey te nupa hi hetiang lam thil zawn nuam an ti em em a, a zawng zawng in an hmu vek kher chuang bik lo. Mahse an chhuak ve fo thin a ni.

Metal Detector a an han dap kual chhin chuan reilo ah thil eng emaw a man fuh ta chat mai. Inches 5 awm vela thuk lei an han hai chuan rangkachak Bible te tak te hi alo in phum reng a lo ni.

He Bible hi 1.5cm vela sei a ni a, te hle mahse a sakhat reuh bawk a 5g a nih bakah 22-carat emaw 24-carat gold a ni. Rin dan in 15th century vela mi daih tawh niin a lang a, King Richard III chhungkaw zinga mi ta a nih rin a ni bawk.

Expert te chuan he thil hi ‘Middleham Jewel,’ nen khan an rin zawn. Middleham Castle hnaih lawk ah chhar a ni tawh a, hei hi Richard III naupan laia an chenna hmun a ni. 1992 khan £2.5million a hlu in an hralh.

Bailey chuan detector in a man fuh khan thil hlu vak a nih a beisei loh thu a sawi. He Bible te hi a lian lo na in a hlutna erawh £100,000 emaw a aia tam pawh a ni thei.