Mizo Elite News hi ṭha i tihzawng a nih chuan min lo Follow dawn nia

Nupa Tuak Khat Ten An Fanu Hming Avangin A Thlawn In WiFi An Hmang Thei Dawn

Internet khawih leh hmang nasa te tan chuan a tih chi phian mai a, an fanu vangin rei tak chhung a thlawn liau liau in WiFi an hmang thei dawn a ni.

Switzerland nupa tuak khat te chuan an fanu hming ah ‘Twifia’ tiin an sa a, hei hi Internet service provider hming a ni a, kum 18 chhung a thlawn in WiFi an hman theih phah dawn.

Internet pechhuak tu Twifi founder leh CEO pawl hian an Company hming ang an naute hminga sa a piang te hnen ah kum 18 chhung WiFi hi a thlawn a pek an nih tur thu an lo sawi tawh.

Mipa a nih chuan ‘Twifius’ tih tur a nia, hmeichhia a nih chuan ‘Twifia’ hming a pu tur a ni, hmeichhia a nih vangin Twifia tiin middle name atan an sa zui ta a, a birth certificate te thawn in an lo verify hnu ah WiFi hi kum 18 chhung an free ang.

Nupa tuak te hi kum 30 leh kum 35 a upa an ni a, an hming tak erawh puanzar nilovin an mahni lamin an duh lo bawk.

WiFi a thlawn a neih theih dan hi hun tiam chhung Company lam hian an hawng ve bawk a, a remchan em avangin WiFi Free a hman theihna hi an bawhzui ve ta chawt. A tirah chuan nalh an ti biklo a, an lung a dum zan lo. Mahsela WiFi free a hman theihna tur a nih chuan an pawm thei mai a, naute nu phei chuan a hnu ah an fanu hming chuan mi a hip riau zawk nia a hriat thu a sawi.

Mashable