Mizo Elite News hi ṭha i tihzawng a nih chuan min lo Follow dawn nia

Nupa Tuak Khat Te Chuan Fa Neih Ah Malsawmna An Dawng

An malsawmna tawnbuak ah hian an vanneih nupa bik khawp mai. Hetiang thil hi nupa na zawng chungah thleng thei a nilo tih chu mi zawng zawng hriat a ni.

Pahnih neih pawh harsa tak an nih laiin an ni nupa erawh hi chuan vawikhat ah fa 4 teh meuh an nei thei a, chhungkua an pung hluai mai.

Australia a Roebourne, Western a nupa tuak Kahn leh Natalie Maree, 30 te hian an beisei leh rinlawk bik lohin fa 4 an nei a, Scan an neih ah fa 4 an pai tih an hriat chuan an nupa pawh a ṭhawng viau. An nupa mai bakah sonographer meuh pawh in mak a ti tak zet.

Fa an neih hma hian fertility issues ah an nupa hian harsatna an tawk tawh. Fa 4 an neih hma hian fanu kum 2 a upa Kiki an lo nei tawh bawk. Harsatna neuh neuh vang hian thawklehkhata fa 4 han neih lawih chu an tan pawh rin a harsa hle ang. Mahsela vanneihna kawl engah tunah hian fa 5 lawih an nei ta a ni.

Natalie hian a naute pai hi 4 a nih a ringpha reng reng lo a, a tam ber ah phir a nih a beisei. Mahsela phir let lai a pumah hian an lo awm zawk. A pasal Kahn phei chu awmngaihna hrelo in a phawklek hle.

Natalie hian via C-section in heng a fa 4 te hi a nei a, Maioha Kahn (2.3kg), Frankee Gene (1.92kg), Marley Rose (2.2kg) leh Maddison Grace (2.1kg) te an ni.

A fate pa 4 a enkawl dan a sawi ah chuan, hrai puar chhung pawh darkar 1 leh a chan ve lai hun an hmang ṭhin tih a sawi. Natalie hian naute a neih hnu aṭang hian an chhungkaw nitin hun hman dan hi an Instagram page, Kiki & the Quads ah a tarlang ṭhin bawk.

DM