Mizo Elite News hi ṭha i tihzawng a nih chuan min lo Follow dawn nia

Nupa Leh An Fa Chuan Rice Leh Chithlum Bak Ei Tur Duhthlan Tur Dang An Nei Lo

Kan tunlai khawvel zawng a buaithlak teh e. Sum leh pai lam a nei deuh te tan pawh chakkhai hmuh fuh te loh chuan lei tur a harsa tawh. Chutiang karah nitin inhlawh a ei tur dapchawp te tan ngat phei chuan a beidawnthlak in a manganthlak zual.

Movement Control Order a nih vangin chhungkaw tam tak ten harsatna an tawk mek hlawm. Johor a Pasir Gudang a awm chhungkua te chuan an hun tawn mek chu a rapthlak hle thu an sawi a ni.

Kum 30 a upa Roslan A Aliudins chuan a nupui Nurul Nisa Irmin,26 in rice emaw rice porridge leh chithlum bak chu siam tur dang reng a nei lo a. Heng bak hi duhthlan tur dang engmah an nei chuang lo a ti. Heng an ei tur pawh hi Taman Cendana Resident’s Association aṭang a an dawn a ni nghe nghe.

Roslan A Aliudins hi electrical wiring works a thawk ṭhin a, hei hi an sum lakluhna hnar ve ber a ni. Mahsela Movement Control Order a nih vang in a thawk thei lo. Income a awm lo a, ni tlem te chu sum a lo dah sa hman tur an nei. Amaherawh chu kar khat a liam hnu chuan a lo dahṭhat te pawh chu an hmang zo leh vek a ti a ni.

Hetiang hi an ni chhungkua bak ah hian mitam tak te dinhmun leh harsatna an tawhna a ni mek. Vanneihthlak takin Mr Roslan hi Econsave supermarket lam in ei tur an pek dawng tu 3,000 zingah a tel ve. Mr Roslan hian MCO chu a kian thuai a hna lam ah kirin nun pangngai tak an neih leh a beisei thu a sawichhuak.

WOB