Hmanni deuh lawk mai khan Justin Bieber leh Hailey Bieber te chu Internet ah an nupa inkar chungchang tha lo tak a leng vel a, Las Vegas casino a an inhau ni awm tak video clip pakhat put ru in fans tam tak in chawtui berah an neih phah.
Hailey Bieber ngei pawh insawifiah ngaiin a awm hial. An nupa infawp lai thlalak phochhuak ngat in thu thang lengvak chu dawt vek leh belhchian dawllo mai a ni e a rawn ti a ni.
Hailey thusawi hi a dik ngei a niang chu a pasal Justin nen tun Weeknd khan Mexico a Cabo San Lucas ah luxury vacation hmangin Beach ah hmangaihna par an tlan leh hiam hiam tawh.
Kum 27 a upa ‘Peaches’ singer hian a nupui hi a duat thiam zia thlalak hmuh tura phochhuah atang in a hriat ngawih ngawih a. Hailey leh Justin te inhmangaihna lo duhlo leh pawmpui lo tu te tan erawh thil hmuh nuam zek zawk a ni hran lem lo.
An nupa mai bakah hian Justin Bieber manager hunrei tak lo ni tawh Scooter Braun pawh an kiangah hian a tel ve a, a nupui nen an inthenna thil kalsan in Justin te nupa hi a zawm ve a nih hmel. Scooter Braun hi a nupui Yael nen kum 7 an khawsak dun hnu ah an inthen dawn tih Report a awm a ni.
