Mizo Elite News hi ṭha i tihzawng a nih chuan min lo Follow dawn nia

Nupa Inhmehlo Ti A Internet A Sawi Hlawh Tak Nupa Te Kha

Kum 2018 tawp lam a Indonesia tlangval leh khawthlang nula hmeltha leh chhelo tak Karna Radheya (Indonesia) leh Polly Alexandria Robinson (UK) te hmangaihna mak tak mai khan Internet ah thlipui tleh tirin mitam tak te chawtui ber ah an tangchho ta a nih kha.

Lo thlirtu miten an sawi tam ber pawh engdang a nilova an landan inthlau fahran lutuk hi a ni. Karna hi Indonesia ram a mipa pangngai ve mai a ni a, a hmel leh landan a teh phei chuan hmeltha ti a sawi tur a ni lutuk bik lo.

Polly erawh a hmeltha in a ngo bakah a sang tha em em a, Karna nilo mipa hmeltha dang a tawn dawn vei tehreng nen tiin sawizui an hlawh a ni. Amaherawhchu hmangaihna mit atanga lo thlir tu tan chuan engkim hi a tha vek mai a, Polly chu he Indonesia tlangval hmangaihna tawn ah hian a luangliam tlat si a ni.

Netizen tam tak ten an tehkhin dan berah chuan Karna hi frog prince tiin an sawi a, Polly hi lalfanu ang mai a duhawm an ti thung. Source thenkhat in an tarlan ah chuan hun rei vak lo an inkawp hnu ah hautak pui lovin mawlmang tak in Muslim wedding ceremony an buatsaih a nupa ah an insiam.

August 2017 khan Bali ah an intawng a, hetih lai hian Karna hi surf instructor niin Polly hi photo model a ni. Karna ngei pawh in khawthlang nula Polly hi a nupui a la ni dawn a ni tih rin ngaihna a hre bik lo tih a sawi hial. Mahse hmangaihna dik tak chuan hnam leh chi bakah pawn lam landan ringawt a thlir lo. Inhmu a an inbiak tam chhoh tial tial hnu ah Polly chu luangliam in Karna hmangaihna chuan a zia a telh telh a, pasal atan neih hial a duh ta bur mai a ni.

An inneih atang kum 2 lai a liam ve ta. Polly pawh an inneihna vang hian a modeling career ah a hlawhtlin pui zui hle. Polly’s personal page hian 280,000 lai followers a nei tawh a, Karna’s Instagram pawn 75,000 followers a nei tling bawk. Tun thleng in nupa in hmangaih tak an la ni chho zel a, an fa hmasa ber pawh an nei tawh nghe nghe.