Mizo Elite News hi ṭha i tihzawng a nih chuan min lo Follow dawn nia

Nula Mimii Lo Hrilhlawkna Kha

Kum 2020 March 3 zinglam dar 1 vel ah khan Mimii chhuak chu a haw a,tichuan an in a a lut chiah chu ṭhut pawh a ṭhut fel hma chuan chiang deuh mai hian “Mizoram ah Covid19 alo thleng dawn a ni” tiin Pathian aw a hre ta a ni.

Mimii chuan Pathian aw hi an inbiak ṭhan em avanga a hriat chian thu a sawi nghe nghe a,in nupui in pasal te aw in hrechiang ang in kei chu Pathian hi ka pasal a ni a,a aw hi ka hrechiang a ni” tiin a sawi a ni.

Tichuan khatia Pathian aw a hriat tak ah chuan a zan la la in a vah te chu a kai tho ta hlawm a. “Hei Pathian aw ka hria a” tiin thil thlen dan kim chang chu a vah te ho chu a hrilh mawlh mawlh a.

A vah te chu tleirawl la naupang te tak te te te an nih hlawm avangin an thlabar a an hlauthawng hman deuh a ni. Mahse Mimii chuan Pathian nei tu te tan hlauh tur a awn loh thu te hrilh in a vahte chu a thlamuan a. Tichuan ṭawngtaina te a neihpui ta a ni.

A tuk May 4 Nilaini alo herchhuak a Mimii chuan Pathian in Sign hrang hrang a pek te chu a ziak chhuak ta den den a. Chung Sign chhinchhiahna te chu 7 niin amah chuan a sawi nghe nghe a ni.

Tichuan Pathian hnenah Confirmation nemnghehna a dil ta a,a dilna chu khami ni tlai lam dar 5:30pm khan a dawng ta a. Tichuan a tho a Whatsapp a an Group 20 Prophets zawlnei 20 te Group ah chuan a thil dawn te chu a post ta nghe nghe a ni.

“Coronavirus pawh Mizoram ah a lo lut dawn a, induh chuan in lei lawk rawh u” tih ten a post a ni. Ama sawidan in chumi dar 7:00 velah chuan a khumbul ah ṭhingṭhi in a ṭawngṭai ta a, khatia a ṭawngṭai lai chuan a ṭapchhuak ta vak mai a,mithi ṭah ang mai hian a ṭap ta tuar tuar a. Ruang an kila mithi an ṭah ang mai hian a ni a ṭah vak ni. Chuta a ṭahna a a sawi chu hei hi a ni. “Awi awi awi a va rapthlak dawn ve!” tih te mai hi a ni.

Ama sawidan chuan a hmalam ah pawn chhungkaw pakhat chunga chhiatna thleng tur chu alo ṭah lawk vak tawh mai a. A hnu ah chu chhungkaw chungah chuan chhiatna chu a rawn thleng zui ta reng bawk a ni. “Danglam taka ka ṭah avang khan chhiatna thleng tur a ni tih ka hre nghal mai a ni” tiin Mimii chuan a sawi a ni.

Tichuan kum 2020 March 8 chawlhni a lo ni a,khami zanah chuan mipui hriat ah a thudawn chu a puangzar ta a ni. Whatsapp Group a a awmna zawng zawng ah leh Facebook ah chuan tihian a post a,”heti hian zanin ah mipui hriatah ka puangzar dawn ta. Kan Pathian chungnungbera chu fakinawm rawh se” tiin

Hetiang thu a dawn takah chuan Mimii chuan a hrethiam mai lovin Pathian hnenah “Kristian ram kan nisi a engnga tinge hetiang thil ilo thlen tir dawn?” tiin a zawt a.

He Coronavirus hi Mizoram alo thlen ngei ngei a ngaih thu te, alo thlen loh nana ṭawngṭaiin awmzia a neih loh tur thu te alo thlen hi kan mamawh thu te Pathian hnen aṭang a dawng ta a ni.

Source: Zo Inspiration