Mizo Elite News hi ṭha i tihzawng a nih chuan min lo Follow dawn nia

Nula Kum 29 A Upa Farm Enkawlin Lehkha A Zir Bakah An Chhungkua Zawng Zawng A Enkawl

Indian government in farm bill thar a pass ah loneitu ten protest neia duh lohna hrang hrang an lantir lai hian he hmeichhe chhuanawm tak chanchin hi lo ngaihthla ve chhin teh.

Adhoy town of Ambala a cheng hmeichhia kum 29 a upa Amarjeet Kaur hi kum 18 a nihin a pa a dam lo a, hnathawk thei lovin khum betin a awm. An chhungkua hi thlawhhma/leilet ah hnathawkin farming in ei an zawng ber a, a pa ber in hna a thawh theih tak lohah chuan mawhphurhna zawng zawng a ko ah a innghat ta a ni.

Amarjeet hian hmeichhia a nih vang maiin a inhnual suat duh lo. An chhungkaw eizawnna ber Farm chu enkawl in heti hian a chhungte chu alo enkawl ta a ni.

Rim taka hna a thawh vang liau liau hian a unaupa pawh in tha takin a zirlai a zo tawh a tunah chuan government ah hna a zawm tawh nghe nghe.

December 2007 atang khan a pa hi damlohna in a tlakbuak tana hemi hnu hian dam takin a awm hleithei tawh meuh lo, hnathawk thei lo in a awm zui chho ta a ni. Amarjeet chuan an dinhmun chu hrethiam takin a ko a mawhphurhna tla chu a zawm a zing tin dar 5 ah thovin an ran te chaw a pe a, hna a thawk tan thin.

Kum 18 a nih ah buh leh thlai sengin engkim a ti thei vek a market ah zawrh tur te a inzuar leh nghal vek bawk. An khua mi te pawhin ‘Lady Farmer’ tiin an ko hial. Hetia an chhungkaw eizawnna lama theihtawp a chhuah chung hian zirna pawh a chhunzawm reng tho a,Punjabi atang master’s degree a nei.

An awmna a loneitu dangte pawhin Amarjeet hi an ring hle a, eng ang thlai nge chinin tha duh ang tih leh fertilizer hman tur thlengin thurawn an lakna berah alo tang a ni.