Mizo Elite News hi ṭha i tihzawng a nih chuan min lo Follow dawn nia

Nu Tling Fa 5 Nei Tawh Chu A Pasal Hmuh Laiin Mipa 17 Rualin An Pawngsual Rawn

He thil rapthlak tak hi Jharkhand’s Dumka district a Ghasipur village a thleng nia tarlan a ni a, Ranchi atang 300 km a hla ah a ni.

Hmeichhe pakhat fa 5 lai nei tawh Ramu Mohli chuan Nilaini khan Police ah thubuai a thehlut a, he hmeichhia hi mipa rual 17 te chuan an pawngsual rawn tiin complaint a siam.

Police ten pawngsual tu mi 17 te lakah FIR hi an register tawh a,statement rinchhan in deputy inspector general (DIG) of Santhal region, Sudarshan Mandal leh Dumka superintendent of police (SP) Ambar Lakra te chu investigation nei turin khaw lam an pan.

Mufassil police station area ah Thawhleh zan khan he hmeichhia hi a pasal nen Market atanga in lama an kir chu mipa rualte hian lo lambunin a pasal hi an hren hnu ah a mit hmuh lai rengin an pawngsual a, an rui hle bawk niin an sawi.

DIG, Mandal chuan tuartu hmeichhia hi kum 35 bawr vel a ni a, medical test neih sak in report an nghah mek thu a sawi. Pawngsualtu zinga pakhat chauh a hre thei a, rinhlelh hi thu zawhfiah tura hreng tawh in, a lo inhnamhnawih ngei a nih chuan Jail ah thawn a ni ang.

India ram hi pawngsual tam lam ah chuan a ber ram a ni hial a, nitin pawngsual thleng hriat tur a awm deuh reng. Kumin January atang September thleng Jharkhand ah ringawt pawngsual record hi 1,359 lai a awm tawh a ni.