Mizo Elite News hi ṭha i tihzawng a nih chuan min lo Follow dawn nia

Nu Sual Tak Leh A Bialpa Tangkawpin A Fanu An Sawisak Hlum Hnuah Dilah A Ruang An Paih

Police hma ah dawt dawt sawiin Police te pawh an lo tihbuai zui phah hrep leh nghal a mahsela lang lo tura thuhruk tak tak thil reng alo awm lo.

Texas a mi Tiaundra Christon tih hmingpu chuan a fanu kum 2 mi lek Hazana Anderson chu a bialpa nen tangkawp in an sawisa hlum tih hriat a ni a, ruang hi bag ah khungin Galveston kiang Lake Moses, Texas City ah an lo paih.

Hazana hi a boral hma hian a nu bialpa Kenny Hewett chuan a lo sual hmasa tih sawi a awm bawk. A hnu hiam dimna tel lovin hmeichhe naupang hi belt hmangin a hnuk chah hma vuak/hlap a nih thu an tarlang.

Christon hian a tirah a fanu hi Park ah bo angin a sawi. Investigators lamin Christon te nufa leh a bialpa te hi College Station atang Houston lam an pan an ti a,Houston Downtowner Inn ah ni 3 an awm. College Station a an kir leh hnu ah surveillance videos ah chuan Christon hian stroller a nawr hmuh a ni.

Mahsela Christon hian lem alo chang lek tih an hrechhuak. Naute lem (doll) chu a fanu angin a lo cheibawl. A fanu bo ni a a thuamhnaw sawi ang chiah dolls chu hak tir a ni a, Police te chuan an manchhuak chiang hle.

A hnuah Christon hi a inpuang a, a fanu hi a bialpa nen an tihhlum thu leh an pawikhawih hliahkhuh nan doll chu Hazana angin an lo tihder tih a sawi fai vek.Tiaundra Christon hi kum 20 Jail tang tura tih a nih bakah $10,000 fine turin an ti bawk a, hetiang tho hian a bialpa Kenny Hewett pawh Christon hremna ang hi pek a ni ve bawk.