Covid19 vangin thla a muang tawh lo a, khawi hmun ah pawh mahni mihringpui te kan inhlau hlawm tawh. Midang bula kan awm in kan him nan Facemask vuah zel hi a tha ber.
South Africa a Supermarket lun tak pakhat Pick n Pay supermarket ah chuan nu pakhat chu mak tak in a che chhuak a, a video hi Social Media ah a viral zui nasa hle.
He hmeichhia hi a hming tarlan a ni lova, Supermarket ah hian Facemask tel lovin a lut. Market a thawk Staff chuan Mask vuah turin an ti a, mahsela a nei silo.
Mask a vuah loh chuan Market atang hnawhchhuah a an vau vangin a Underwear hak lai chu a hlip lawk a, Mask atan a hmang zui ta a ni.
A chet dan hi Market a bazar dang pakhat chuan a lo record a, Social Media a post a nih hnu ah a darh chakin sawi pawh a hlawh viau a ni.
Video pakhat leh ah dawrtu hmeichhe dang chuan Underwear mask a hmang tu hmeichhia hi a chhan thung a, Security guard hmeichhia chu tih luihna a an thil tih ah legal document keng chungin alo zilh hau bawk.