Hei chu a ropui dangdai khawp mai. Australia a nu pakhat Maree Arnold (kum 54) chuan a tupa ngei a nei a, fa neih kawnga vanduaina tawk a fanu tan fapa alo hrinsak tih hriat ani.
Maree Arnold fanu Meagan hi Lilydale, Tasmania ah an khawsa. Kum 17 a nihin Mayer-Rokitansky-Küster-Hauser syndrome (MRKH) chuan a tlakbuak a, hei hian fa nei thei lovin a siam phah. He natna hi pianhlim ah chhul uterus a neilo a, engtik ah mah nau a pai ve thei ngai dawn lo.
Maree chuan a fanu dinhmun hi a hriatthiam pui a, fa neiha a pasal nen chhungkaw din pawh a chak zia a hriatpui. Mahse a thei tlat silo. Nu hmangaihna chuan a fanu tan surrogate kaltlangin fa hi a nei sak a, Australia a surrogate hmanga fa nei upa ber a ni zui bawk.
A hma in Meagan te nupa hian surrogate kaltlang in fa neih hi an lo tum tawh, fa neih sak tu tur Canadian lam mi chuan 21 weeks ah nau hi a chhiat a, doctor chuan a kal (kidney) lamah buaina awmin naute hi an chhan theilo tih a sawi.
Maree hian surrogate a tihdawn hian embryo transfers an neih chu vawi 3 lai a hlawhchham a, a fanu Meagan nen phei chuan an beidawng hman. Mahse a vawi 4 na chu a hlawhtling ta hlauh.
Maree leh Meagan te nufa chuan he an thutlukna siam avang hian an nufa inkar chu a hma ai nasa in a that zual phah a, an inpawh tlan zawk thu a sawi. A fanu duhthusam a tihhlawhtlin sak chu a hlim zia Maree hian a sawichhuak hial bawk.