Mizo Elite News hi ṭha i tihzawng a nih chuan min lo Follow dawn nia

Nu Pakhat Chu A Ṭhenawm Unau Mipa 2 Ten Sawisa In A Nung Chungin An Phum

Ukraine ram a Maryanske a khawsa nu pakhat Nina Rudchenko, 57 chu a ṭhenawm mipa pahnih ten sawisa in an sawisak hnu ah a nung chungin an phum.

Misual unau mipa pahnih te hi kum 27 leh kum 30 a upa te an ni a zu an rui hle bawk. Nina Rudchenko hi in ah amah chauh a a awm laiin an lut a, engmah thudang sawi lovin kut an thlak zui nghal. Misual te hian a hmai ah hneksak in baseball bat ten an lo hlap bawk.

Darkar hnih lai an sawisak hnu hian zan ah thlanmual lam an panpui a, a thlan tur laih tirin a nung chungin an phum ta a ni. Mahsela vanneihthlak takin Ms Rudchenko hi a lo fing hlauh a a kut hmangin a hmai chu a hup a, misual te kal hnu hian thlan aṭang hian a tho leh.

An in lam pan nghal in a tuk zingah chuan a unaunu Ludmila Gura chuan a let reng chu alo hmu a, damdawi in lam panpui nghal a ni. Velykobagachansk District Hospital a Surgeon Oleksandr Klymchuk chuan Rudchenko hian brain concussion neiin a hnar leh khabe ruh te chu a tliak tih a sawi.

Gura hian a hmuh hlim chuan a hmai a duk nasat thu a sawi nghe nghe. Local Media in an kawmna ah chuan Ms Rudchenko hian khatia an phum lai khan a chhungte dang pawh that turin ruahmanna an siam a ti bawk. Police te chuan Investigation an kalpui nghal.

DM