Mizo Elite News hi ṭha i tihzawng a nih chuan min lo Follow dawn nia

Nu Leh Pa Nei Tawh Lo Rawlthar Chuan Zirna A Zawmna Turin A Thiamna Lemziah Hmangin Pawisa A Thawkchhuak

Dinhmun hi a va han in ang lo ṭhin tak em. Nu leh pa pawh nei tawh lo he rawlthar hian a thil tum a puitlin theihna turin a lemziak hmangin pawisa a thawkchhuak.

Thailand a mi Krittamet “Earth” Saisaen, 18 hi nu leh pa nei tawh lo fahrah a ni. A nu hian kum 2 liamta khan a thihsan a, a pa hian a unaupa nen an pahnih in a pi leh pu te kiangah enkawl turin alo kalsan a ni.

Earth hi a pi leh pu Direk Phu-uad, 77 leh Fong Phu-uad, 75 te kiangah Kalasin province ah an cheng a, high school graduat tawh in art lamah skill turu tak a nei bawk.

Lemziak thiam tak niin Youtube video leh art teacher aṭang te in a inzir nasa. An chhungkaw dinhmun in a zir loh vangin a zir zawm zelna turah harsatna an tawk. Earth hian Arsom Silp Institute of The Arts ah luh a duh a, hemi tur hian a pi leh pu te pawh hian amah ṭanpui nan an ram neih hralh in thutlukna an siam.

Mahsela Bangkok a Arsom Silp Institute of The Arts luhna atan hian first term ah ringawt 60,000 baht sen a ngai dawn a,degree a neih dawn chuan 10 term a ngai ngei ngei bawk a, a pi leh pu te tan chuan a zirna senso hi tum theih zia zang a nilo.

Hei vang hian Earth chuan a thiamna chu hmang ṭangkaiin ram lem a ziah Landscape Painting te chu an ṭhenawm ah 20 aṭang 50 baht in a zuar a, 10 pieces lai hralh tawh in a zirna man tur tuak hian a la ziah belh zel bawk.

Earth hian a duh a piang chu a nei thei lo. Mahse a suangtuahna ti puitling turin hlawhchham leh beidawn san mai a tum bik lo.

SmartLocals