Mizo Elite News hi ṭha i tihzawng a nih chuan min lo Follow dawn nia

Nu Leh A Fanu Te Chu Rel Kawngah Thi In Hmuh An Ni, An Bulah A Fapa Kum 1 Mi Damin Hmu

Ningani khan Delhi a rel kawng (train tracks) ah nu leh a fanu 2 te chu thi in an ruang hmuh a ni a, rel hian a chil/su ni awm e. Hetih lai hian an kiangah naute mipa kum 1 mi a fapa chu nungdam a hmuh a ni thung. A nu leh a unaunu te ho an boral laiin he naupang hian accident hi vanneihthlak takin a pumpelh.

3:40am vel khan Railway Police Force (RPF) hian nu leh a fanu te pahnih ruang hmuh anih thu hi information an dawng. Hmuh an nihna hi northwest Delhi’s Mandawali area a train track ah a ni.

Nungdama hmuh kum 1 mi naute hi a nu te kiangah hian alo ṭap nasa niin Deputy Commissioner of Police (Railways) Harendra Singh chuan a sawi bawk.

Naute hi damdawiin ah an hruai nghal a a dinhmun pawh a ṭha zel nia tarlan a ni bawk.

Ruang an chhar nu leh a fanu te pahnih bulah mobile phone an chhar a nu ber hi kum 30 mi Kiran a ni a, thil thleng ah hian Kiran leh a fate hi thah nilovin a fate hi a intihhlum pui zawk niin an ringhlel.

A pasal nena an inhmuh thiam loh vangin heti hian a thinrimna a hri thla a, a fate hi a intihhlum pui ah an ngai a, a pasal hi e-rikshaw driver a ni.

NDTV