Mizo Elite News hi ṭha i tihzawng a nih chuan min lo Follow dawn nia

Nu In A Fanu Chu Rukruk Vangin A Kut Mei Hmangin A Tihkan Sak

Faten thilsual an lo ti palh a nih chuan zilh tur a ni a, chu chu nu leh pa te mawhphurhna a ni. Mahsela an nunna atana pawi thei tur leh tawrhhlelhawm khawpa hremna pek hi tih loh tawp tur a ni.

Bolivia a Cochabamba ah chuan nu in a fanu chu ruk a ruk vangin hremna a pe a, mei hmanga a kut tihkan sak in hliam na tak mai alo tawrh tir.

Thu lakna in a tarlan danin hmeichhe naupang hi kum 6 a upa a ni a, a nau hmeichhia kum 4 mi nen tualchhung dawr pakhat atang sweet an ru chhuak a, dawr neitu hian CCTV atang ruk an ru lai hi a man hnu ah a nu leh pa te hnen ah a zualko ta a ni.

An fate thil tih tha lo tak an beng a thlen chuan khua a hmu tawh lo. A fate pahnih chu an kutah a phuar sak a, a fanu upa zawk chu mei hmangin a kut a hal sak. A u hremna a pek ang vek hian a nau pawh hi hrem a tum a, mahsela a nu hrem a hlauh em vang hian a tlanchhe hman.

A fanu na taka hrem tu hmeichhia hi kum 37 mi niin a hming erawh tarlan a nilo. Hliam tuar a fanu hi damdawiin ah enkawl a nia, a kut mai bakah a ban lampang a kiu thlengin mei hian a tikang a, a dinhmun erawh ngaihtuahawm tak a nilo tih an sawi.

A fanu hliampui tuartirtu hi a pasal nen an man a, mahse thla 6 a upa nau a pai mek vangin man a nih hnu lawk ah an chhuah lailawk leh. Fa a neih hnu ah trail hmachhawn turin an ti.

A pasal hi a fate pa dik tak pawh nilo in an pahrawn a ni a, a nupuiin a hrem lai hi hmu reng chunga a enliam mai avangin thubuai awrhtir a ni ve tho. Hmeichhe naupang hi a hliam tawrh a nat em vangin Surgery vawi 4 lai a hmachhawn a ngaih hmel a, a thatchhuah leh nan hian kum pawh a awh mai thei.

Nu hian a fanu chunga a thil tih avang hian pawi a tih thu sawiin tunhnua an chin zui zel loh nan zirtirna pek a duh vanga ti a nih chauh thu a sawi thung. A fanu naupang zawk pawh hi local Children and Adolescent Protection centre te enkawlna hnuaiah dah a ni bawk.

Mirror