Mizo Elite News hi ṭha i tihzawng a nih chuan min lo Follow dawn nia

Nu Hmangaihna Ngah Tak Chuan A Fanu Tan A Tunu Tur Fanu Duhawm Tak A Hrinsak

Southern Brazilian state Santa Catarina a Florianopolis a cheng nu pakhat Rosicleia de Abreu Carlsem, 53 chuan a fanu tan fa duhawm tak a hrin sak tih hriat a ni.

Rosicleia de Abreu Carlsem hi zirtirtu a ni a, a fanu Ingrid hian a hriselna chungchang ah harsatna lian tham tak a nei. Doctor tha tak tak an rawn hnu ah Doctor chuan nau pai chu a nunna atan hlauhawm tak a nih theih thu an hrilh a, thih theihna chance a san avangin nau pai chu an remti ta lo.

Kum 2014 khan Ingrid hian pulmonary embolism an tih chu a vei tih hmuhchhuah a ni. Nau nei thei tawh lo tura an inngaih laiin a hringtunu chu an nupa tan ke a rawn penchhuak.

He thu tlukna khirhkhan tak an siam tanna hi Ingrid hian TV kaltlang in nu pakhat in a mo tan nau a neihsak tih a hria a, hemi a hriat rual hian beiseina sang tak nei chungin a nu Rosicleia chu a tihsak ve thei ang em tih a zawt. A nu hian hnial hauh lovin “tehreng mai, a theih a nih chuan ka ti ngei ang” tiin rang takin alo chhang let thuai a ni.

A fanu hian fa neih a chak zia a hria a, a dinhmun in a zir bawk silo. Nu hmangaihna atang a fanu tan hian a tunu ngei chu a neih sak. Rosicleia hian IVF in August 19 khan a tunu Maria Clara chu tluang takin a nei.

Naute hi a pian hlim hian 7.30lbs a rit a ni bawk. Ingrid leh a pasal Fabiano Chaves pawh a nu in an tana a thil tih ropui tak vang hian an lawm hle. “Ka nu in kan tana a thil tih hi tawngka maia sawifiah thiam theih a nilo a, kan nupa tan hian a hlu tak zet zet a ni” tiin Ingrid hian a sawi.

IVF leh surrogacy atan hian £5,000 dawn zet crowdfunding leh face masks an zawrh atangin an hmuchhuak. Laichin unau leh nufa zinga fa inhrinsak hi hriat tur a awm fo tawh. Nikum mai pawh khan Tara Moreton, 32 tia tarlan chuan a unaunu cancer natna vei mek tan fapa a hrinsak. Doctor ten a hlawhtlin theihna 25 per cent chance a awm an ti chung in Tara hian nau a nei lui ta tho.