Mizo Elite News hi ṭha i tihzawng a nih chuan min lo Follow dawn nia

Nu Ber Thi Tawh Ruang Chu A Faten Kum 2 Chuang Chenpui

Nashville, Tennesee ah chuan nu pakhat Larinda Jolly tia koh chu a ruang pawh sawi tur awm tawh lo ruhrel vel chauh tawha hmuh a ni a, a thih aṭang kum 2 chuang a liam tawh tih hriat a ni.

Larinda Jolly hi a thih hian vuia phum a nilo a, a fate chuan in ah chenpui in khumah an zalh a ni. October 21 khan an va hmuchhuak ve chauh a, Nashville Police te pawh an thil hmuh hian a ṭhawng hle nghe nghe.

Jolly hian fa 4 a nei. A unaupa Anthony Jolly chuan a unaunu hi ruang tia sawi tur pawh a awm tawh lo a ti. A unaunu nen hian an inpawh lutuk lo a, biak a tum changin a faten a biak theih loh leh a muthilh thu te in an chhang.

An chenna a a va kal chuan a fanu hnen ah a awmna a zawh chuan khum ah tiin alo chhang sam et a. Mahsela a thil hmuh chu a beiseiloh hul hual a ni. Larinda Jolly hi nungdam in a awm tawh reng reng lo a, ruang sawi tur lawi pawh a nei tawh lo.

A fate hi an chiang lo in mi pangngai an pha zan lo nia sawi a ni bawk. 2017/2018 vel daih khan a lo thi tawh a, ruang hi vuilo in an lo chenpui char char. An nu hian a boral dawnah tumah ko buailo turin thu a lo hrilh a ni awm e.

Jolly thih chhan tak hi hriat a nilo a,a thih chhan ah hian thil diklo engmah a awm an ring lo bawk. A fate 4 hi hotel ah hruai lailawk niin Adult Protective Services ten enkawl dan tur an ngaihtuah sak dawn a ni.