Mizo Elite News hi ṭha i tihzawng a nih chuan min lo Follow dawn nia

Nu Ber Chu A Fate Zawng Zawng Leh A Pasal Te Nen Chhungkua A Covid19 An Kai Hnuah A Thi

A va khawngaihthlak tak. A fa pianghlim leh zel pawh in hri hi a kai a, chhungkua in hripui hian a luhchilh a ni.

Texas nu Cypress a khawsa kum 33 Victoria Gallardo hi a pasal leh a fate 5 nen an vaia hripui an vei hnu ah a nunna a chan phah. February 2 khan hri hi a vei a ni tih hriat hmasak ber a ni a,a fanu pianghlim Gianna pawh hri lakah a him bik lo a, tunah Gianna hi chawlhkar 7 a upa a ni tawh.

A fanu kum 9 Amanda chu a damlo phawt a, symptom a lang tan a, a hnu hian an zavai maiin Covid hi an vei vek tih hriatchhuah a ni zui a ni.

A pasal Armando chuan an theihtawp in an fimkhur em em a, khawi hmun ah pawh mask vuah in a nupui phei chuan in ah glove pawh a bun hial thu a sawi. An chunga thil duhawm lo thleng chu vanduai palh vang liau liau a ni a ti a, a fanu pianghlim hlawl chu a ngaihtuah hle bawk a ni tih a sawi.

March 16 khan Victoria Gallardo hi Covid19 vang hian a nunna a chan phah hial a, a pasal leh a fate chu a kalsan. A boral hma khan hri chu langchhuak tanin pneumonia a nei a, ICU ah enkawl a ngaih phah.

Hospital Staff ten a pasal Armando hnen ah a tha leh mai ang tiin hnem mahse a nupui chu chhan theih a ni ta chuang lo. “Doctor in ka nupui chhan turin tihtheih reng an nei tawh lo a ni tih min hrilh khan ka thinlung hi a kehsawm ni berin ka hria” tiin a sawi hial a ni.

Armando hi a fate nen an in tuamhlawmna turin GoFundMe kaltlangin pawisa khawn sak an ni a Zirtawp thleng khan $35,000 lai hmuhsak an ni tawh.