Mizo Elite News hi ṭha i tihzawng a nih chuan min lo Follow dawn nia

NSYNC’s Lance Bass leh a pasal Michael Turchin ten fa phir an beisei mek

NSYNC member lo ni tawh thin Lance Bass leh a pasal Michael Turchin te chuan chhungkua tak tak dinin fa phir te pian hun an beisei mek thu an puang rup mai.

Lance Bass leh Michael Turchin te hi mipa ve ve an nih vangin nau an pai thei lo hrim hrim a, mahse tunlai thiamna sang tak zelah surrogate kaltlangin phir mipa leh hmeichhia te an nei dawn a ni.

NSYNC frontman hlui aiawh tu in E! News te hnen ah Bass leh Turchin te hian an inkar tinghet tura naute pahnih lo piang tur avang hian an hlim dun hle tih a hrilh.

Nikum khan surrogate kaltlang in nau hi nei tur an ni tawh a, mahsela vanduaithlak takin an fa tur hi an chhiat. Tuna phir an beisei leh mek hi tluang te a an nei thei a nih chuan November 2021 ah an piang dawn a ni.

Interview hrang hrang an neih ah fa enkawl tur an duh zia an lo sawichhuak fo tawh thin. Phir kher an duh chhan pawh Michael hian phir pui a neih vang pakhat a nih thu Lance Bass chuan a sawi bawk.

Khawthlang ramah khuan neih in ang inkawp a hluar hle a, Lance leh Michael te pawh hi 2014 khan Los Angeles a Park Plaza Hotel ah an lo innei a ni.